AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Xahiş edirəm, Xəzər dənizindəki ən güclü yarımdalma üzən qazma qurğusunun tikintisinin başa çatması münasibətilə təbriklərimi qəbul edəsiniz. Layihə Bakıda “Caspian Shipyard Company” (“Xəzər Gəmiqayırma Şirkəti”) tərəfindən peşəkarlıqla yerinə yetirilmişdir.
Azərbaycanın neft və qaz yataqlarının inkişaf etdirilməsində əldə olunan tərəqqi təqdirəlayiqdir. Sahilyanı dövlətlər kimi, Danimarka və Azərbaycan dəniz yataqlarının kəşfiyyatı və işlənilməsi sahəsindəki hədsiz çətinliklərlə tanışdırlar. Mən fəxr edirəm ki, Maersk Contractors bu çətinliklərin aradan qaldırılmasına sanballı töhfələr verir.
Sizə ən səmimi arzularımı yetirir və ümid edirəm ki, bu təzə qazma qurğusu Azərbaycanda yeni neft və qaz yataqlarının kəşfiyyatına və uğurla işlənilməsinə xidmət göstərəcəkdir.
Səmimiyyətlə, Sizin
Anders Foq Rasmussen
Danimarkanın baş naziri
Kopenhagen, 22 iyul 2003-cü il
Bölmənin digər xəbərləri
