RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zati-aliləri,
Azərbaycanın milli bayramı münasibətilə Hindistan xalqı adından Sizə səmimi təbriklərimi çatdırıram.
Müxtəlif sahələrdəki qarşılıqlı surətdə faydalı əlaqələrimizi möhkəmləndirməklə və çoxşaxəli etməklə, Hindistan və Azərbaycan arasındakı ənənəvi dostluq münasibətləri gələcək illərdə daha da inkişaf edəcəkdir.
Zati-aliləri, Sizə cansağlığı, xoşbəxtlik, xalqınıza firavanlıq və tərəqqi diləyi ilə ən xoş arzularımı qəbul etməyinizi xahiş edirəm.
Dərin hörmət və ehtiramla,
Manmohan Sinqh
Hindistan Respublikasının Baş naziri