AZƏRBAYCAN RUSİYADAN GÜNDƏ 12 MİLYON KUBMETR QAZ ALIR

06.11.2006 [11:02]
Çap et
A⁺ A^-

Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, oktyabr ayında elektrik stansiyaları üçün Rusiyadan 336,4 milyon kubmetr qaz alınmışdır. Yanvar-oktyabr aylarında həmin göstərici 3 milyard 645,9 milyon kubmetr təşkil etmişdir.

Rusiyadan gündəlik qaz idxalı, orta hesabla, 12,1 milyon kubmetr olmuşdur.

Noyabr ayında Rusiyadan gündə 12 milyon kubmetr qazın alınması nəzərdə tutulur. Qış mövsümünün başlanması ilə əlaqədar bu göstəricinin dekabr ayında 13,6 milyon kubmetrə çatacağı gözlənilir.

ARDNŞ idxalın əvvəlindən – 2000-ci ilin noyabrından 2006-cı il noyabrın 1-dək Rusiyadan 24 milyard 910,8 milyon kubmetr qaz almışdır.