AZƏRBAYCAN ŞAHMATÇILARININ GÖRÜŞÜNDƏ HEÇ-HEÇƏ QEYDƏ ALINMIŞDIR
Bakı, 19 oktyabr (AZƏRTAC). Sankt-Peterburqda tanınmış şahmatçı Mixail Çiqorinin xatirəsinə həsr olunmuş açıq beynəlxalq turnirdə 3-cü turun oyunları keçirilmişdir.
Bu tur çərçivəsində Azərbaycan şahmatçıları Viktor Truşelyov və Eltac Səfərli bir-biri İlə qarşılaşmış və rəqiblər görüşü heç-heçə başa vurmuşlar. Cahangir Ağamirov isə Hindistan nümayəndəsi R.Harikrişnaya uduzmuşdur.
Üç turdan sonra Viktor Truşelyov və Eltac Səfərli 2 xalla müvafiq olaraq 70 və 76-cı yerləri tuturlar. Cahangir Ağamirov isə 1 xalla 179-cu pillədə qərarlaşmışdır.
Turnirdə doqquz şahmatçı 3 xalla liderlər qrupundadır.
Yarışda 68-i beynəlxalq qrossmeyster olmaqla, 264 şahmatçı iştirak edir.
İsveçrə sistemi üzrə keçirilən turnir 9 turdan ibarətdir.
Bölmənin digər xəbərləri
