AZƏRBAYCAN ŞAHMATÇILARININ TƏMSİL OLUNDUQLARI KLUBLAR NÖVBƏTİ QƏLƏBƏLƏRİNİ QAZANMIŞLAR
Bakı, 6 oktyabr (AZƏRTAC). Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında 2-ci turun oyunları olmuşdur.
Bu tur çərçivəsində Vüqar Həşimovun mübarizə apardığı İsrailin “Aşdod İllit” komandası “Berlin 1903” klubuna 4,5:1,5 hesabı ilə qalib gəlmişdir. Şəhriyar Məmmədyarov, Qadir Hüseynov və Rauf Məmmədovun şərəfini qoruduqları Makedoniyanın “Alkaloid” klubu isə “Bremen” üzərində 4:2 hesablı qələbə əldə etmişdir.
Qeyd edək ki, bu görüşlərdə rəqiblərini məğlub edən V.Həşimov, Ş.Məmmədyarov və R.Məmmədov komandalarına 1 xal gətirmişlər.
İki turdan sonra “Alkaloid” 10 xalla 8-ci, “Aşdod İllit” isə 9 xalla 11-ci yerdədir.
Turnir cədvəlinə əlavə göstəricilərinə görə Ukraynanın “PVK-Kiyevçess” (11,5 xal) kollektivi başçılıq edir.
Əlli dörd şahmat klubunun iştirak etdiyi turnirə oktyabrın 10-da yekun vurulacaqdır.
Bölmənin digər xəbərləri
