AZƏRBAYCAN ŞAİRİNİN YARADICILIĞINA YÜKSƏK QİYMƏT
“Azərbaycan dünyası” Beynəlxalq Əlaqələr Mərkəzinin prezidenti, xalq şairi Nəbi Xəzri Dünya Gənc Yazarlar Birliyinin təsis etdiyi “Xidmət” mükafatına layiq görülmüşdür. Bu mükafat ədəbiyyatın inkişafında, gənc nəslin vətənpərvərlik ruhunda tərbiyəsində xidmətlərə görə verilir. Mükafat xalq şairinə Ankarada keçirilən təntənəli mərasimdə təqdim olunmuşdur.
Nəbi Xəzri Türkiyənin Sivas şəhərində türk şifahi poeziyasının görkəmli nümayəndəsi Aşıq Veysəlin xatirəsinə həsr olunmuş şer günlərində də iştirak etmişdir. O, dost ölkənin dövlət, hökumət nümayəndələrinin, ədəbiyyat və incəsənət xadimlərinin iştirakı ilə keçirilən və üç gün davam edən tədbirdə çıxış edərək, Aşıq Veysəlin yaradıcılığından danışmış, şerlər oxumuşdur.
Bölmənin digər xəbərləri
