AZƏRBAYCAN SAMBOÇUSU DÜNYA ÇEMPİONU OLMUŞDUR
Bakı, 17 oktyabr (AZƏRTAC). Azərbaycan sambo üzrə yığma komandası Bolqarıstanın Samokovo şəhərində yeniyetmə və gənclər arasında keçirilən dünya birinciliyində bir qızıl və bir bürünc medala sahib olmuşdur.
Azərbaycan Sambo Federasiyasından bildirmişlər ki, gənclərin yarışında iştirak edən Yaşar Abbasov (62 kq) finalda Rusiya idmançısını məğlub edərək fəxri kürsünün ən yüksək pilləsinə qalxmışdır.
Daha bir medalı isə yeniyetmələr arasında yarışan Emin Qulamov qazanmışdır. O, 60 kiloqram çəki dərəcəsində yarışan pəhləvanlar arasında üçüncü yeri tutmuşdur.
Dünya birinciliyi oktyabrın 18-də başa çatacaqdır.
Bölmənin digər xəbərləri
