AZƏRBAYCAN SƏNAYE İSTEHSALI ARTIMININ SÜRƏTİNƏ GÖRƏ MDB-DƏ LİDERDİR
AZƏRTAC MDB Dövlətlərarası Statistika Komitəsinə istinadla xəbər verir ki, Azərbaycan 2006-cı ilin yanvar-sentyabr aylarında sənaye istehsalı artımının sürətinə görə Birlik ölkələri arasında liderdir. Bu göstərici ötən ilin eyni dövrü ilə müqayisədə 39,2 faiz təşkil etmişdir.
Belarusda müvafiq göstərici 12,2 faiz olmuşdur. Rusiyada sənaye istehsalı 4,2 faiz artaraq, bu ölkəni 6-cı yerə çıxarmışdır.
Qırğızıstan, Moldova və Ermənistanda isə sənaye istehsalı artımının sürəti bu ilin 9 ayının yekunlarına əsasən azalaraq, müvafiq surətdə 11,4 faiz, 7 faiz və 1,6 faiz təşkil etmişdir.
Bölmənin digər xəbərləri
