AZƏRBAYCAN SİLAHLI QÜVVƏLƏRİNİN MÖVQELƏRİ BİR NEÇƏ İSTİQAMƏTDƏN ATƏŞƏ MƏRUZ QALMIŞDIR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri avqustun 10-da saat 17.00-dan 17.55-dək və 21.05-dən 21.20-dək fasilələrlə Berd rayonunun ərazisindəki adsız yüksəkliklərdə və Çinari kəndi ərazisində yerləşən mövqelərdən Azərbaycan Ordusunun Tovuz rayonunun Koxanəbi və Ağdam kəndləri ərazisində yerləşən mövqelərini, saat 10.35-dən 10.42-dək və avqustun 11-də saat 03.10-dan 03.15-dək Ağdam rayonunun Yusifcanlı kəndi yaxınlığında, saat 19.45-dən 20.50-dək Goranboy rayonunun Tap Qaraqoyunlu kəndi yaxınlığında yerləşən mövqelərdən atəş açmışlar. Düşmən saat 23.20-dən 23.45-dək və 00.20-dən 00.45-dək Füzuli rayonunun ərazisindəki adsız yüksəklikdən və Qərvənd kəndi yaxınlığında, saat 23.50-dən 23.58-dək və 00.20-dən 22.45-dək Xocavənd rayonunun Kuropatkino kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
