Azərbaycan Texniki Universitetində tələbə qəbulu üçün 2235 plan yeri ayrılıb
Bakı, 23 avqust, AZƏRTAC
Azərbaycan Texniki Universitetində (AzTU) 2021/2022-ci tədris ili üzrə tələbə qəbulu üçün 2235 plan yeri ayrılıb.
AzTU-dan AZƏRTAC-a bildirilib ki, bunlardan 2070 yer Azərbaycan, 150 yer rus, 15 yer isə ingilis bölməsi üzrədir.
Abituriyentlərə universitetin Energetika və avtomatika, Maşınqayırma və robototexnika, Xüsusi texnika və texnologiya, Nəqliyyat və logistika, Metallurgiya və materialşünaslıq, İnformasiya və telekommunikasiya texnologiyaları, İqtisadiyyat və idarəetmə fakültələri üzrə kadr hazırlığı aparılan ixtisaslar təqdim edilir.
Bölmənin digər xəbərləri
