Azərbaycan və Mərakeşin qida mütəxəssisləri arasında görüş keçirilib
Bakı, 24 fevral, AZƏRTAC
Qida Təhlükəsizliyi Agentliyi və Mərakeş Krallığının Qida Təhlükəsizliyi üzrə Milli Ofisinin nümayəndə heyəti arasında videokonfrans formatında görüş keçirilib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, görüşdə hər iki qurumun fəaliyyət istiqamətləri üzrə təqdimatlar edilib. Eyni zamanda “Azərbaycan Respublikası Hökuməti ilə Mərakeş Krallığı Hökuməti arasında qida təhlükəsizliyi sahəsində əməkdaşlıq haqqında” saziş layihəsinin müddəaları üzrə fikir mübadiləsi aparılıb.
Görüş zamanı laboratoriyaların fəaliyyəti haqqında müzakirələr edilib, Azərbaycan Qida Təhlükəsizliyi İnstitutu ilə görüşün keçirilməsinə dair razılıq əldə olunub.
Müzakirə olunan məsələlərlə əlaqədar təkliflər dinlənilib, suallar cavablandırılıb.
Bölmənin digər xəbərləri
