AZƏRBAYCAN VƏ RUSİYA YIĞMA FUTBOL KOMANDALARI ARASINDA GÖRÜŞ HEÇ-HEÇƏ BAŞA ÇATMIŞDIR
Bakı, 14 oktyabr (AZƏRTAC). Oktyabrın 14-də Tofiq Bəhramov adına Respublika stadionunda dünya çempionatının qrup seçmə mərhələsi çərçivəsində futbol üzrə Azərbaycan və Rusiya yığma komandaları qarşılaşmışlar. Görüş 1:1 hesabı ilə başa çatmışdır.
Oyunun 13-cü dəqiqəsində Rusiya komandasının futbolçusu Andrey Arşavin hesabı açmışdır. İkinci hissənin 53-cü dəqiqəsində isə Vaqif Cavadov bərabərlik topunu vurmuşdur.
Qonaqlar hətta hesabda irəli çıxmaq imkanı əldə etsələr də, 79-cu dəqiqədə Azərbaycan komandasının qapısına təyin olunan 11 metrlik cərimə zərbəsini Kamran Ağayev ustalıqla dəf etmişdir.
Beləliklə, Azərbaycan yığması bu mövsümdə 5-ci xalını qazanmaqla, dünya çempionatının seçmə qrup mərhələsini 5-ci yerdə başa vurmuşdur.
######
 |
 |
 |
 |
Bölmənin digər xəbərləri
