Azərbaycançılıq Elmi-İdeoloji Mərkəzi yaradılıb
Bakı, 9 may, AZƏRTAC
Azərbaycan Milli Elmlər Akademiyasının (AMEA) Azərbaycançılıq Elmi-İdeoloji Mərkəzi yaradılıb.
AMEA-dan AZƏRTAC-a bildirilib ki, bu barədə akademiyanın Rəyasət Heyətinin onlayn iclasında qərar qəbul edilib.
İctimai əsaslarla fəaliyyət göstərəcək mərkəz Azərbaycan xalqının çoxəsrlik milli dövlətçilik ənənələrini, azərbaycançılıq ideyasının formalaşma və inkişaf proseslərini tədqiq və təbliğ etmək məqsədilə yaradılıb.
Akademik Ramiz Mehdiyev Azərbaycançılıq Elmi-İdeoloji Mərkəzinin rəhbəri, akademik İsa Həbibbəyli isə müavini seçilib.
Bölmənin digər xəbərləri
