Azərbaycanda 40-a yaxın dövlət qurumu "Elektron hökumət” portalından qeydiyyatdan keçmişdir
Bakı, 15 iyun (AZƏRTAC). Azərbaycanda təxminən 40-a yaxın dövlət qurumu "Elektron hökumət” portalından qeydiyyatdan keçmişdir.
Rabitə və İnformasiya Texnologiyaları Nazirliyindən (RİTN) AZƏRTAC-a bildirmişlər ki, hər ay "Elektron hökumət” portalına 50 min istifadəçi müraciət edir. Təqdim olunmuş elektron xidmətlərin sayı 417, portalda yerləşdirilmiş elektron xidmətlərin sayı isə 225-dir.
RİTN, Dövlət Sosial Müdafiə Fondu, Daxili İşlər, Ədliyyə, Vergilər, Təhsil, Əmək və Əhalinin Sosial Müdafiəsi, Səhiyyə nazirlikləri, Dövlət Gömrük Komitəsi və Azərbaycan Respublikasının Prezidenti yanında Dövlət Qulluğu Məsələləri üzrə Komissiya ölkədə elektron xidmətlərin göstərilməsinə görə ilk onluqda yer alan dövlət qurumlarıdır.
Bölmənin digər xəbərləri
