Azərbaycanda yaradılmış ilk İnsult Mərkəzinin xidmətindən 288 xəstə yararlanıb
Bakı, 16 noyabr, AZƏRTAC
Ötən il Azərbaycanda yaradılmış ilk İnsult Mərkəzinin xidmətindən 288 xəstə yararlanıb. Onların əksəriyyəti işemik insultdan əziyyət çəkən insanlar olub.
AZƏRTAC xəbər verir ki, bu barədə Səhiyyə Nazirliyinin instaqram səhifəsində canlı yayımda olan “Bakı” Sağlamlıq Mərkəzinin İnsult və invaziv nevrologiya bölümünün rəhbəri, nazirliyin mütəxəssis-eksperti, nevroloq Pərvin Allahyarova məlumat verib.
P. Allahyarova bildirib ki, mərkəz nazirliyin müvafiq əmri ilə pilot layihə kimi yaradılıb və burada insult xəstəliyindən əziyyət çəkən xəstələrə müasir tibbin standartlarına uyğun xidmət göstərilir: “Layihənin icrasına dünya miqyasında tanınmış nevroloq olan iki beynəlxalq mütəxəssis-ekspert cəlb olunub. Ekspertlərdən biri nevroloq, insult üzrə mütəxəssis Zaza Katsarava, digər isə Danimarkanın Kopenhagen Universitetinin nevrologiya üzrə professoru, Beynəlxalq Başağrısı Cəmiyyətinin prezidenti Məsud Aşinadır”.
Bölmənin digər xəbərləri
