AZƏRBAYCANI AVROPA MƏHKƏMƏSİNDƏ TƏMSİL EDƏCƏK HAKİM TEZLİKLƏ MƏLUM OLACAQDIR
Martın 3-də Avropa Şurası Parlament Assambleyasının İnsan Hüquqları və Hüquq Məsələləri Komitəsinin iclası keçiriləcəkdir. Bu toplantıda Azərbaycanı Avropa Məhkəməsində təmsil edəcək hakimliyə namizədlərin məsələsi müzakirə ediləcəkdir. Komitənin iclasından bir az sonra hakimliyə namizədlər müsabiqədən keçmək üçün Strasburqa dəvət olunacaqlar. AŞPA-nın martın 31-dən aprelin 4-dək keçiriləcək yaz sessiyasında komitənin təqdimatına əsasən namizəd Avropa Məhkəməsinin hakimi təsdiq olunacaqdır. Hakim 3 və ya 6 il müddətinə seçilir, həmin şəxsə hakimlik müddəti başa çatdıqdan sonra yenidən seçilmək imkanı verilir. Yeni namizədlərlə birgə müsabiqədən keçəcək sabiq hakim və yenə də 3 və ya 6 il müddətinə Avropa Məhkəməsinin hakimi seçilə bilər.
Seçiləcək hakim bu ilin ortalarında fəaliyyətə başlayacaq.
Bölmənin digər xəbərləri
