Azərbaycanı Dünya Seriyasının final mərhələsində 3 güləşçi təmsil edəcək
Bakı, 17 oktyabr, AZƏRTAC
Həftəsonu çimərlik güləşi üzrə Dünya Seriyasının final mərhələsi baş tutacaq.
AZƏRTAC xəbər verir ki, Misirin İsgəndəriyyə şəhərində keçiriləcək yarışın yekununda bütün 5 mərhələdə güləşçilərin topladığı xallar cəm ediləcək və hər çəki üzrə dünya çempionları müəyyənləşəcək.
Baş məşqçi Oyan Nəzərianinin rəhbərliyi altında Vüsal Əliyev, Sahib Dadaşov (hər ikisi 80 kiloqram) və İbrahim Yusubov (90 kiloqram) mötəbər yarışda mübarizə aparacaqlar.
Sabah təsnifat mərhələsinin və qruplarda ilk 2 turun görüşləri keçiriləcək. Oktyabrın 19-da isə qruplarda son turun qarşılaşmaları ilə yanaşı, 1/4 final, yarımfinal və medallar uğrunda görüşlər baş tutacaq.
Bölmənin digər xəbərləri
