Azərbaycanın boccia idmançısı Bəhruz Mirzəyev Xorvatiyada qızıl medal qazanıb
Bakı, 7 aprel, AZƏRTAC
Azərbaycan Milli Paralimpiya Komitəsinin (AMPK) boccia üzrə milli komandası Xorvatiyanın paytaxtı Zaqrebdə keçirilən “Intercontinental Challenger” çempionatında növbəti medalını qazanıb.
AZƏRTAC xəbər verir ki, təmsilçimiz Bəhruz Mirzəyev (BC-4) finalda ukraynalı Artem Kolinkonu məğlub edərək turnirin qalibi olub.
Qeyd edək ki, daha əvvəl millimizin üzvü Orxan Kərimov (BC-2) turnirdə bürünc medal qazanıb. Digər paralimpiyaçımız Sona Ağayeva (BC-2) isə qızıl medal uğrunda yarışacaq. Onun rəqibi portuqaliyalı Ana Korreia olacaq.
Qeyd edək ki, yarış “Paris-2024” Yay Paralimpiya Oyunlarına lisenziya xalı qazandırır.
Bölmənin digər xəbərləri
