AZƏRBAYCANIN CÜDO ÜZRƏ YIĞMA KOMANDASI DÜNYA KUBOKU UĞRUNDA TURNİRDƏ BİRİNCİ OLMUŞDUR
Bakı, 12 oktyabr (AZƏRTAC). Azərbaycanın yığma komandası oktyabrın 11-də Bakı İdman Sarayında başa çatmış kişi cüdoçular arasında dünya kuboku uğrunda turniri birinci yerdə başa vurmuşdur.
İki gün ərzində keçirilən yarışda Azərbaycan yığması üç qızıl, iki gümüş medal qazanaraq 14 ölkə arasında ən yüksək nəticə göstərən komanda olmuşdur.
Yığmamızın heyətində Tərlan Kərimov (66 kq), Elxan Rəcəbli (81 kq) və Elxan Məmmədov (90 kq) qızıl, Vüqar Şirinli (60 kq) və Sərxan Əhmədov (66 kq) isə gümüş medala sahib çıxmışlar.
Qazanılan medalların sayına görə, Gürcüstan (iki qızıl, iki gümüş və dörd bürünc) ikinci, Rusiya yığması isə (iki qızıl, bir gümüş və üç bürünc) üçüncü yeri tutmuşdur.
Bölmənin digər xəbərləri
