AZƏRBAYCANIN DAŞKƏNDDƏKİ SƏFİRLİYİNDƏ ÜMUMMİLLİ LİDERİ ANMA MƏRASİMİ KEÇİRİLMİŞDİR
Daşkənd, 12 dekabr (AZƏRTAC). Azərbaycanın Özbəkistandakı səfirliyində ümummilli lider Heydər Əliyevin anım günü ilə əlaqədar mərasim keçirilmişdir.
Azərbaycan diasporunun üzvləri, qardaş özbək xalqının nümayəndələri, jurnalistlər ulu öndərin səfirliyin foyesindəki abidəsi önünə əklillər və çiçək dəstələri qoymuş, görkəmli dövlət xadiminin xatirəsi bir dəqiqəlik sükutla yad edilmişdir.
Azərbaycanın Özbəkistandakı müvəqqəti işlər vəkili Akif Əliyev ulu ondərin həyatı və fəaliyyəti haqqında danışmışdır. Bildirmişdir ki, müasir Azərbaycanın memarı və qurucusu Heydər Əliyev ölkəmizi dünyaya tanıtmış, qısa müddətdə siyasi və iqtisadi islahatlara başlanmış, uğurlu nəticələr əldə edilmişdir.
Azərbaycanın və Özbəkistanın xalq artisti Firudin Səfərov bu böyük siyasi xadimi şəxsən tanıdığını qeyd etmiş, ulu öndərin ədəbiyyat, mədəniyyət və incəsənət xadimlərinə xüsusi diqqət və qayğı ilə yanaşdığını bildirmişdir.
Soydaşlarımızdan Almaz Məcidova, Nazlı Pirməmmədova, Həmid Hüseynov dünya şöhrətli siyasi xadim haqqında ürək sözlərini demişlər.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
