AZƏRBAYCANIN ENERGETİKA OBYEKTLƏRİ QIŞ MÖVSÜMÜNƏ HAZIRDIR

23.10.2003 [21:49]
Çap et
A⁺ A^-

Respublikada hasil olunan elektrik enerjisinin yarıdan çoxunu verən Azərbaycan DRES-in üç enerji blokunda təmir işləri görülmüşdür. Səkkiz işlək bloku olan stansiyanın maksimal gücünün 2100 meqavata çatdırılacağı gözlənilir. Əli Bayramlı DRES-də də dörd blok təmir olunmuşdur və bunun sayəsində stansiyada istehsal edilən elektrik enerjisi 800 meqavata çatdırılacaqdır. Hər iki DRES-də mazut ehtiyatlarının yığılması davam etdirilir.

“Azərenerji”nin mətbuat xidmətindən AZƏRTAC-a bildirmişlər ki, “Şimal” DRES-də 400 meqavat gücündə buxar-qaz qurğusu üçün nəzərdə tutulan yeni qaz kəməri maksimum yüklənmə həddinə çatdırılmışdır. Bu, enerji blokunun sabit işinə - yanacaqla təmin edilməsinə mane olan ən çətin problemin həlli deməkdir. Bununla yanaşı, stansiyada hasil olunan enerjinin energetika sisteminə ötürülməsini təmin edən 110 kilovoltluq elektrik xəttinin yenidən qurulması işləri də başa çatır.

Təmir kampaniyası Mingəçevir və Şəmkir su elektrik stansiyaları silsilələrində də uğurla aparılmışdır. Yazda Kür çayının səviyyəsinin qalxması nəticəsində su anbarlarında əvvəlki illərdən xeyli çox su ehtiyatı toplamaq mümkün olmuşdur.

AZƏRBAYCANIN ENERGETİKA OBYEKTLƏRİ QIŞ MÖVSÜMÜNƏ HAZIRDIR

MÜƏLLİFLƏ ƏLAQƏ

Bölmənin digər xəbərləri