AZƏRBAYCANIN ƏRAZİ BÜTÖVLÜYÜNÜN QORUNMASI DÜNYADA VƏ AVROPADA YAŞAYAN SOYDAŞLARIMIZIN BORCUDUR
“Dəyirmi masa”da Azərbaycanın ərazi bütövlüyü və suverenliyinin qorunmasının dünyada, Avropada, o cümlədən Almaniyada yaşayan və diaspor şəklində təşkilatlanan soydaşlarımızın ümdə vəzifəsi olması, Azərbaycan həqiqətlərinin dünya ictimaiyyətinə çatdırılması, Almaniya və Avropanın digər ölkələri ilə dostluq və əməkdaşlığın daha da möhkəmləndirilməsi, Azərbaycan cəmiyyətləri və dərnəklərinin fəaliyyətinin gücləndirilməsi, diasporumuzun daha da mütəşəkkil formada təşkilatlanması işinə Avropa Azərbaycan Konqresinin dəstək və yardımı kimi vacib məsələlər diqqət mərkəzində olmuşdur.
Almaniyada fəaliyyət göstərən cəmiyyət və dərnəklər arasındakı əməkdaşlığın daha da inkişaf etdirilməsi və bunun Konqresin rəhbərliyi altında vahid mərkəzdən əlaqələndirilməsi barədə də fikir mübadiləsi aparılmışdır.
Yaxın gələcəkdə Avropa Azərbaycan Konqresi ofisinin, İnternet-saytının açılmasının və Berlin TD-1 televiziya kanalında Azərbaycanla bağlı verilişlərin təşkilinin zəruriliyi qeyd olunmuşdur.
Bölmənin digər xəbərləri
