Azərbaycanın futzal üzrə FIFA referisi növbəti təyinat alıb
Bakı, 13 yanvar, AZƏRTAC
Futzal üzrə azərbaycanlı FIFA referisi Əli Cəbrayılov növbəti dəfə təyinat alıb.
Azərbaycan Futzal Federasiyasından AZƏRTAC-a verilən məlumata görə, o, 2026-cı ildə təşkil olunacaq Avropa çempionatının əsas mərhələsi çərçivəsində fevralın 1-də keçiriləcək Danimarka – Qazaxıstan matçında 3-cü hakim funksiyasını yerinə yetirəcək.
Birinci və ikinci referilər müvafiq olaraq slovaklar - Rastislav Behancin və Martin Matula olacaq. Hakim-inspektor İqor Baboviç (İsveç), UEFA nümayəndəsi Yirki Filppudur (Finlandiya).
Bölmənin digər xəbərləri
