Azərbaycanın U-21 millisi futbol üzrə Avropa çempionatının seçmə mərhələsində ilk oyununu keçirib
Bakı, 31 avqust, AZƏRTAC
Azərbaycanın 21 yaşadək futbolçulardan ibarət milli komandası Avropa çempionatının seçmə mərhələsi çərçivəsində avqustun 31-də ilk oyununu keçirib.
AZƏRTAC xəbər verir ki, millimiz İsrailin Akko şəhərindəki “Municipal” stadionunda bu ölkənin yığma komandası ilə qarşılaşıb. Görüş 3:1 hesabı ilə meydan sahiblərinin xeyrinə başa çatıb. Millimizin yeganə qolunu matçın 70-ci dəqiqəsində Elnur Cəfərov vurub.
Azərbaycan yığma komandası Almaniya, Norveç, Kosovo, İsrail, İrlandiya milliləri ilə birlikdə 5-ci qrupda yer alıb. Yığma komandamız seçmə mərhələ çərçivəsində növbəti oyununu sentyabrın 5-də “Dalğa Arena”da İrlandiya yığmasına qarşı keçirəcək.
U-21 Avropa çempionatı 2019-cu il iyunun 16-dan 30-dək İtaliyanın və San-Marinonun birgə ev sahibliyi ilə təşkil olunacaq.
Bölmənin digər xəbərləri
