AZƏRBAYCANIN ÜMUMDÜNYA TİCARƏT TƏŞKİLATINA ÜZVLÜYÜ REALLAŞIR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, tədbirdə ölkəmizi ÜTT-yə üzvlüyə hazırlıq işləri üzrə Komissiya sədrinin müavini Mahmud Məmmədquliyevin başcılığı ilə nümayəndə heyəti təmsil etmişdir.
Görüşdə ÜTT üzvlərinin suallarına Azərbaycan tərəfinin cavabları, müvafiq sənədlərlə bağlı məsələlər və növbəti addımlar müzakirə olunmuşdur.
Türkiyə, ABŞ, İsveçrə, Çin, Avstraliya, Norveç, Pakistan, Kanada, Moldova, Avropa Birliyi, açıq dənizə çıxışı olmayan ölkələr qrupu adından Paraqvay Azərbaycanın bu nüfuzlu beynəlxalq təşkilata üzv olmasını dəstəkləmişlər.
Azərbaycan nümayəndə heyəti səfər çərçivəsində ÜTT-nin baş katibi, BMT-nin Ticarət və İnkişaf üzrə Konfransı baş katibinin müavini, Beynəlxalq Ticarət Əməkdaşlığı və Məlumatı Agentliyinin icraçı katibi, Türkiyə və Pakistanın ÜTT yanında daimi nümayəndələri ilə görüşlər keçirmiş, ABŞ, Çin, Yaponiya və Kanadanın bu təşkilatdakı daimi nümayəndələri ilə fikir mübadiləsi aparmışdır. ÜTT Katibliyində, ABŞ, Türkiyə və Pakistanın buradakı daimi nümayəndəliklərində ekspertlər səviyyəsində məsləhətləşmələr də keçirilmişdir.
Bölmənin digər xəbərləri
