AZƏRBAYCANIN XALQ YARADICILIĞI NÜMUNƏLƏRİ SƏUDİYYƏ ƏRƏBİSTANINDA NÜMAYİŞ ETDİRİLİR
Azərbaycanın dekorativ-tətbiqi sənət nümunələri noyabrın 7-də Ər-Riyadda açılan xalq yaradıcılığına həsr olunmuş Birinci Səudiyyə Ərəbistanı sərgisində nümayiş etdirilir. Mədəniyyət və Turizm Nazirliyindən AZƏRTAC-ın müxbirinə bildirmişlər ki, sərgidə və onun çərçivəsində keçirilən konfransda iştirak edən Azərbaycan nümayəndə heyətinə nazir Əbülfəs Qarayev başçılıq edir. Azərbaycanın sərgidəki 27 kvadratmetrlik pavilyonu rəngbərəng xalçalar, şəbəkə nümunələri və çoxsaylı suvenirlərlə bəzədilmişdir.
Xatırladaq ki, İslam Konfransı Təşkilatının üzvü olan ölkələrin turizm nazirlərinin bu ilin sentyabrında Bakıda keçirilən V konfransı zamanı Səudiyyə Ərəbistanının Ali Turizm Təşkilatının baş katibi Sultan bin Salman bin Əbdüləziz Al Səud Azərbaycanın sərgidə iştirakını təklif etmişdi.
Bölmənin digər xəbərləri
