AZƏRBAYCANLI UŞAQLAR “UŞAQLAR TERRORİZMİN ƏLEYHİNƏDİRLƏR” XEYRİYYƏ TƏDBİRİNDƏ İŞTİRAK ETMİŞLƏR
Sentyabrın 6-da Moskvanın Şimal dairəsindəki Kazarnovski adına 686 nömrəli musiqi məktəbində “Uşaqlar uşaqlara yardım edir” layihəsi çərçivəsində “Uşaqlar terrorizmin əleyhinədirlər” xeyriyyə tədbiri keçirilmişdir. Rusiya orta məktəbləri şagirdlərinin iştriak etdikləri tədbir “Dünyanın atlası” İstedadlı Uşaqlar Beynəlxalq Assosiasiyası tərəfindən təşkil olunmuşdu.
Xeyriyyə tədbirində Moskvadakı etnik-mədəni Azərbaycan komponentli 157 nömrəli ümumtəhsil orta məktəbində oxuyan 22 azərbaycanlı uşaq da iştirak etmişlər. Məktəbin direktoru Aida Quliyeva AZƏRTAC-ın müxbirinə bildirmişdir ki, onların ifasında Azərbaycan mahnıları, şairlərimizin şerləri, fortepiano əsərləri səslənmiş, milli rəqslərimiz nümayiş etdirilmişdir.
Bölmənin digər xəbərləri
