“AZERCELL” İKİNCİ OPERATOR KODUNU İSTİFADƏYƏ VERMİŞDİR
AZƏRTAC xəbər verir ki, “Azercell Telekom” Birgə Müəssisəsi ikinci kodla - 051-lə başlayan nömrələri istifadəyə vermişdir.
Bu münasibətlə noyabrın 8-də “Excelsior” otelində təqdimat mərasimi keçirilmişdir. Mərasimdə qeyd edilmişdir ki, yeni 051 kodunun istifadəyə verilməsi “Azercell” abonentlərinin şəbəkədaxili yığım qaydalarında müəyyən dəyişikliklər yaradacaqdır. 050 kodlu abonentlər bir-birinə əvvəlki qaydada, kod yığmadan, 7 rəqəmli nömrə ilə zəng edə, SMS və MMS göndərə biləcəklər. 050 kodlu abonentlər 051 kodlu abonentlərə zəng edərkən və ya SMS, MMS göndərərkən hökmən 051 kodunu, sonra isə 7 rəqəmli nömrəni yığmalıdırlar. 051 kodlu abonentlər isə bütün istiqamətlərdə, o cümlədən şəbəkədaxili və xarici zənglər edərkən, SMS, MMS göndərərkən 10 rəqəmli nömrəni (şəbəkənin 3 rəqəmli kodu + 7 rəqəmli nömrəsi) yığmalıdırlar.
Bölmənin digər xəbərləri
