“AZƏRENERJİ” DÜNYA BANKININ KREDİTİNİ ALACAQ

22.12.2003 [18:32]
Çap et
A⁺ A^-

Dünya Bankının nümayəndə heyəti ilə danışıqların gedişində bu maliyyə qurumunun energetika layihələrinin həyata keçirilməsi sahəsində Azərbaycanla fəal əməkdaşlığı davam etdirməyə hazır olduğu təsdiq edilmişdir.

“Azərenerji”nin mətbuat xidmətindən AZƏRTAC-ın müxbirinə bildirmişlər ki, Dünya Bankı “Elektrikötürmə sistemi” layihəsinə 40 milyon ABŞ dolları məbləğində kredit ayırmağa hazırdır. Layihənin əsas məqsədi energetika sahəsində dispetçer idarəetmə sistemini modernləşdirməkdir.

Kredit ilk 5 ili güzəştli olmaqla, 15 il müddətinə, güzəştli, illik 3-4 faizlə veriləcəkdir. Vəsaitin 2004-cü ilin yazında alınacağı gözlənilir.