“Azərişıq” qeyri-iş günlərində gücləndirilmiş iş rejimində fəaliyyət göstərəcək
Bakı, 8 may, AZƏRTAC
“Azərişıq” ASC bayramla əlaqədar qeyri-iş günlərində də gücləndirilmiş iş rejimində fəaliyyətini davam etdirəcək.
ASC-dən AZƏRTAC-a bildirilib ki, qurumun Mərkəzi Aparatında, Regional Enerji Təchizatı və Satışı idarələrində, şəhər və rayon Elektrik Şəbəkələrində növbətçilik rejimi tətbiq ediləcək, qəza xidməti və “199” Çağrı mərkəzi 24 saat istehlakçıların xidmətində olacaq.
“Bayram və qeyri-iş günlərində istehlakçıların dayanıqlı və keyfiyyətli elektrik enerjisi ilə təchizatının təmin olunması məqsədilə bütün təşkilati və texniki tədbirlər görülüb. İstehlakçılardan xahiş edirik ki, yarana biləcək hər hansı problemlə əlaqədar “Azərişıq” ASC-nin 24 saat fasiləsiz fəaliyyət göstərən “199” saylı Çağrı mərkəzinə müraciət etsinlər”, - deyə ASC-nin məlumatında bildirilib.
Bölmənin digər xəbərləri
