“Azərkosmos”un rəsmisi: Azərbaycan elmi tezisləri təqdim edən ölkələrin sırasında ilk beşlikdədir
Bakı, 14 sentyabr, AZƏRTAC
74-cü Bakı Beynəlxalq Astronavtika Konqresi çərçivəsində keçiriləcək sərgi pavilyonu yeni biznes imkanlara yol açır. Burada dövlət, özəl, həm də startap şirkətlərin əlaqələr qurması üçün əvəzsiz imkanlar yaradılacaq.
AZƏRTAC xəbər verir ki, bu sözləri Bakıda keçiriləcək 74-cü Beynəlxalq Astronavtika Konqresinə hazırlıq prosesinə həsr olunmuş brifinqdə Azərbaycan Kosmik Agentliyi - “Azərkosmos”un İctimaiyyətlə əlaqələr və kommunikasiya qrupunun rəhbəri Fidan Behbudova deyib.
Fidan Behbudova bildirib ki, Bakı Konqresində elmi məqalələrə böyük maraq var. “Ümumilikdə, 95 ölkədən 3600-dək elmi məqalə qəbul olunub. Azərbaycandan gənc tədqiqatçılar, professorlara aid 214 məqalə qeydiyyatdan keçib. Azərbaycan gənclərinin bu məqalələr arasında öz yerini tapması çox qürurverici haldır. Belə ki, Azərbaycan elmi tezisləri təqdim edən ölkələrin sıralamasında ilk beşlikdədir. Bu, bir daha sübut edir ki, Azərbaycanda da kosmos sahəsinə maraq böyükdür. Xüsusilə gənclər bu sahəyə çox maraq göstərir”, - deyə o qeyd edib.
Bölmənin digər xəbərləri
