“AzMUN”nun növbəti məlumat sessiyası ADU-da təşkil edilib
Bakı, 21 noyabr, AZƏRTAC
“AzMUN - ölkəmizdə BMT Modeli klubları şəbəkəsinin fəaliyyətinin dəstəklənməsi” proqramı çərçivəsində növbəti məlumat sessiyası Azərbaycan Dillər Universitetində (ADU) keçirilib.
ADU-dan AZƏRTAC-a bildirilib ki, gənclərə BMT Modeli hərəkatı və “AzMUN” proqramı haqqında ətraflı məlumat verilib.
Bildirilib ki, BMT-nin Baş Assambleyasının “Avropada enerji böhranı” mövzusunda keçirilən simulyasiya tələbələr üçün BMT-nin strukturu barədə geniş təsəvvür formalaşmasına imkan yaradıb.
Eyni zamanda, gələcəyin diplomatı olan tələbələrə “AzMUN” proqramı çərçivəsində keçiriləcək növbəti məlumat sessiyaları və layihələrdən xəbərdar olmaq üçün layihəni izləmələri tövsiyə olunub.
Bölmənin digər xəbərləri
