İQTİSADİYYAT
AZPROMO Litvanın Aqrar Biznesin və Bazarların İnkişafı Agentliyi ilə Anlaşma Memorandumu imzalayıb
Bakı, 23 may, AZƏRTAC
İxracın və İnvestisiyaların Təşviqi Agentliyi - AZPROMO və Litvanın Aqrar Biznesin və Bazarların İnkişafı Agentliyi ("Litfood") arasında Anlaşma Memorandumu imzalanıb.
AZPROMO-dan AZƏRTAC-a bildirilib ki, sənədi İxracın və İnvestisiyaların Təşviqi Agentliyinin rəhbəri Yusif Abdullayev və "Litfood"un direktoru Şarunas Tselieşius imzalayıblar. Memorandum agentliklər arasında əməkdaşlığın genişləndirilməsinə, qabaqcıl təcrübə mübadiləsinin aparılmasına xidmət edəcək.
Qeyd edək ki, memorandum AZPROMO, Aqrar Biznesin və Bazarların İnkişafı Agentliyi və Litva İnnovasiyalar Agentliyinin təşkilatçılığı ilə Vilnüsdə keçirilən Litva-Azərbaycan biznes forumu çərçivəsində imzalanıb.