AZPROMO-nun icraçı direktoru: Azərbaycanda Çin kapitallı 245 şirkət fəaliyyət göstərir
Bakı, 8 iyul, AZƏRTAC
Hazırda Azərbaycanda Çin kapitallı 245 şirkət fəaliyyət göstərir.
AZƏRTAC xəbər verir ki, bu barədə AZPROMO-nun icraçı direktoru Yusif Abdullayev Bakıda keçirilən "ŞƏT Nümayiş Zonası - Azərbaycanda Logistika və Ticarətin Təşviqi Konfransı"nda deyib.
O bildirib ki, bu şirkətlər sənaye, kənd təsərrüfatı, nəqliyyat, ticarət və xidmət sahələrini əhatə edir: "Ümid edirəm ki, bugünkü konfransdan sonra ölkələrimiz arasında əlaqələr daha da genişlənəcək".
İcraçı direktor Çində Azərbaycanın 6 ticarət evinin fəaliyyət göstərdiyini də qeyd edib.
Bölmənin digər xəbərləri
