BAKI DÖVLƏT SİRKİ YENİ MÖVSÜMƏ HAZIRDIR
Bakı, 3 oktyabr (AZƏRTAC). Bakı Dövlət Sirki yeni mövsümü oktyabrın 22-də Böyük Moskva Sirkinin “Zolaqlıların Bakı səfəri” adlı proqramı ilə açacaqdır.
Sirkin mətbuat xidmətindən AZƏRTAC-a bildirmişlər ki, proqramda 30-dək tanınmış sirk ustası-hava gimnastları, akrobatlar, jonqlyorlar çıxış edəcək, illüziyalar göstəriləcək, şir və pələnglərin attraksionu olacaqdır. Bakılılar bu nömrələrin bəzilərini ilk dəfə görəcəklər. Noyabrın ortalarınadək davam edəcək proqramı sirk həvəskarları həftənin cümə, şənbə, bazar günləri, məktəblilər isə payız tətili günlərində hər gün izləyə biləcəklər.
Bölmənin digər xəbərləri
