Bakı Dövlət Universitetinin professorunun məqaləsi yüksək impakt faktorlu jurnalda dərc olunub
Bakı, 10 iyun, AZƏRTAC
Bakı Dövlət Universitetinin (BDU) Mexanika-riyaziyyat fakültəsinin Riyazi analiz kafedrasının professoru Ziyatxan Əliyevin həmmüəllifi olduğu “İndefinit çəkili xəttiləşməyən elliptik məsələlərin müsbət həllərinin sıfırdan qlobal bifurkasiyası” adlı məqaləsi beynəlxalq “Riyazi analiz və tətbiqləri jurnalı”nda dərc olunub.
BDU-dan AZƏRTAC-a bildirilib ki, məqalədə indefinit çəkili elliptik tip xüsusi törəməli diferensial tənliklər üçün Dirixle sərhəd şərtli qeyri-xətti məxsusi qiymət məsələlərinə baxılır. Bu məsələlər biologiyada populyasiya genetikasında seleksiya-miqrasiya modelindən irəli gəlir.
Qeyd edilib ki, 1960-cı ildən nəşr olunan “Riyazi analiz və tətbiqləri jurnalı” riyaziyyat sahəsində dünyanın məşhur və nüfuzuna görə ilk sıralarda (impakt faktor 1.188) yer alan Q1 reytinqli jurnallarından biridir.
Maraqlananlar məqalə ilə https://doi.org/10.1016/j.jmaa.2020.124252 linki ilə tanış ola bilərlər.
Bölmənin digər xəbərləri
