BAKI FOND BİRJASININ MƏLUMATI
Azərbaycan Respublikasının Prezidenti yanında Qiymətli Kağızlar üzrə Dövlət Komitəsi tərəfindən təsdiq edilmiş “Dövlət qısamüddətli istiqrazların buraxılışı, yerləşdirilməsi və tədavülü haqqında” Əsasnaməyə və Maliyyə Nazirliyi ilə bağlanmış müqaviləyə uyğun olaraq, aprelin 22-də Bakı Fond Birjasında Maliyyə Nazirliyinin 10200904 S nömrəli dövlət qeydiyyatından keçmiş qısamüddətli dövlət istiqrazlarının yerləşdirilməsi üzrə hərrac keçirilmişdir.
Hərracda 7 iştirakçı çıxış etmişdir. Sifarişlərin nominal üzrə ümumi məbləği 14.344.000.000 manat olmuşdur.
Sifarişlər 96,20 (gəlirlik 15,84 faiz) - 96,40 faiz (gəlirlik 14,97 faiz) qiymət intervalında təqdim edilmişdir.
İstiqraz vərəqələrinin rəqabətli sifarişlər üzrə kəsmə qiyməti 96,20 faiz (gəlirlik 15,84 faiz), orta ölçülmüş qiyməti 96,35 faiz (gəlirlik 15,19 faiz) səviyyəsində Maliyyə Nazirliyi tərəfindən müəyyən olunmuşdur.
İstiqrazların nominal üzrə reallaşdırılmış həcmi 14.344.000.000 manat məbləğində müəyyən edilmişdir (1.258.000.000 həcmində qeyri-rəqabətli sifarişlər daxil olmaqla).
İstiqraz vərəqələrinin ödəmə tarixi 22 iyul 2002-ci ildir.
İstiqraz vərəqələrinə mülkiyyət hüquqları depozitaridə “Depo” hesablarında yazı formasında qeyd olunur.
Bölmənin digər xəbərləri
