Bakı Nəqliyyat Agentliyi güclü küləklə bağlı sərnişinlərə xəbərdarlıq edib
Bakı, 6 aprel, AZƏRTAC
Hazırda davam edən güclü küləkli hava şəraiti ilə əlaqədar hərəkət iştirakçılarını diqqətli və ehtiyatlı olmağa çağırırıq.
AZƏRTAC xəbər verir ki, bu barədə Bakı Nəqliyyat Agentliyinin sərnişinlərə müraciətində bildirilib.
Agentlik sərnişinlərdən dayanacaq pavilyonlarında avtobus gözləyərkən diqqətli olmalarını xahiş edir. Müraciətdə, həmçinin Nəqliyyat Mübadilə Mərkəzlərinin ərazisində və digər yerlərdə yolun hərəkət hissələrinə çıxmamalı, yalnız müəyyən edilmiş dayanacaq məntəqələrində avtobuslara minib-düşməli, yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir.
Sürücülərə isə hərəkətdə olarkən yollarda müəyyən edilən sürət həddinə və yol nişanlarının tələblərinə riayət etmələri tövsiyə olunur.
Bölmənin digər xəbərləri
