BAKI ŞƏHƏR BAŞ İSTEHSALAT QAZ İDARƏSİNDƏ MƏTBUAT KONFRANSI KEÇİRİLMİŞDİR
İdarənin rəisi Tahir Əliyev bildirmişdir ki, “Bakıqaz” paytaxtda 500 mindən cox əhalini, 5 mindən artıq özəl təşkilatı, 1400-ə yaxın kommunal və digər qurumları qazla təmin edir. Bu ilin 6 ayı ərzində Bakı şəhəri üzrə abonentlərə satılan qazın haqqının 37 faizi yığılmışdır. Aylar üzrə götürdükdə əgər bu rəqəm yanvarda 14 faiz təşkil edirdisə, iyunda 51 faiz olmuşdur.
İdarə rəisi bu günədək Bakı şəhəri üzrə 260 min sayğacın quraşdırıldığını, ilin sonuna qədər bu rəqəmin 300 minə çatacağını bildirmişdır. Tahir Əliyev həmçinin əhalinin fasiləsiz və təhlükəsiz qazla təmin olunması üçün mətbəxdən keçən qaz xətlərinin pilləkən qəfəsinə çıxarılması işləri barədə də məlumat vermişdir.
Qeyd olunmuşdur ki, qiş mövsümünə hazırlıq prosesi çərçivəsində qaz xətlərinin vəziyyəti yoxlanılır, soyuq havalarda əhalini narahat edə biləcək problemlər aradan qaldırılır. Prezident İlham Əliyevin Sərəncamı ilə təsdiq edilmiş “Bakı şəhərinin qəsəbələrinin sosial-iqtisadi inkişafının sürətləndirilməsinə dair tədbirlər Proqramı”na əsasən, müvafiq iş planları hazırlanmış və bu ərazilərdə yaşayan əhalini fasiləsiz və keyfiyyətli təbii qazla təmin etmək üçün tədbirlər həyata keçirilir.
Mətbuat konfransı jurnalistlərin suallarının cavablandırılması ilə başa çatmışdır.
Bölmənin digər xəbərləri
