BAKI ŞƏHƏRİNDƏ 11 YENİ QAZANXANA TİKİLMİŞDİR
“Azəristiliktəchizat” Səhmdar Cəmiyyətinin sədri Yaşar Həsənov AZƏRTAC-a bildirmişdir ki, geniş miqyasda müasir tipli istilik təchizatı obyektlərinin tikilməsi, qazanxanaların və istilik məntəqələrinin modernləşdirilməsi və yenidən qurulması istiqamətində işlər davam etdirilir. İnvestisiya proqramına əsasən, Bakı şəhərində 11 yeni qazanxananın tikintisi başa çatdırılmışdır. Onların yaxın bir neçə gündə işə salınması üçün zəruri tədbirlər görülür. Bu il tikilmiş 4 qazanxana artıq işə salınmışdır. Qazanxanaların qaz təchizatının yaxşılaşdırılması da ən vacib məsələlərdən biridir və “Azəriqaz”dan alınmış texniki şərtlərə əsasən, qazanxanalarda istilik rejimini tam bərpa etmək üçün bu il 17 min 179 poqonmetr yeni qaz xətti çəkilmişdir.
Xatırladaq ki, 2006-2007-ci illər istilik mövsümü Bakı şəhərində və aran rayonlarında noyabrın 15-dən, dağ rayonlarında isə noyabrın 1-dən başlanmışdır.
