“BAKI” “SİONİ” KLUBUNU MƏĞLUB ETSƏ DƏ, NÖVBƏTİ MƏRHƏLƏYƏ VƏSİQƏ QAZANA BİLMƏDİ
Xatırladaq ki, bu komandalar arasında Tbilisidə keçirilən ilk oyunda Gürcüstan futbolçuları 2:0 hesabı ilə qələbə qazanmışdılar. Növbəti mərhələyə çıxmaq üçün “Bakı” cavab qarşılaşmasında rəqib komandanı 3 top üstünlüyü ilə məğlub etməli idi.
Görüşün birinci hissəsində bakılıların bir neçə dəfə fərqlənmək imkanı olsa da, hesab açılmamışdır. İkinci hissədə hücumların kəsərini artıran Azərbaycan çempionu 65-ci dəqiqədə Fərid Quliyevin başla vurduğu zərbədən sonra hesabda irəli çıxdı. Bundan sonra “Bakı” bir neçə dəfə hesabı artırmağa yaxın olsa da, müdafiədə inamlı oynayan Kaxaber Tsxadadzenin yetirmələri buna yol verməmişlər.
Beləliklə, “Bakı” 1:0 hesabı ilə qələbə qazanmasına baxmayaraq, iki oyunun nəticəsinə əsasən, növbəti mərhələyə Gürcüstan futbolçuları vəsiqə qazanmışlar. Bu mərhələdə isə “Sioni” Bolqarıstanın “Levski” klubu ilə qarşılaşacaqdır.
Bölmənin digər xəbərləri
