BAKI-TBİLİSİ-CEYHAN NEFT KƏMƏRİ TİKİNTİSİNDƏ İŞLƏRİN 85 FAİZİ GÖRÜLMÜŞDÜR
Azərbaycan Beynəlxalq Əməliyyat Şirkətinin prezidenti Devud Vudvord AZƏRTAC-ın müxbirinə bildirmişdir ki, Bakı-Tbilisi-Ceyhan boru kəmərinin hər üç ölkə ərazisindən keçən hissəsində bütün işlərin 85 faizi görülmüşdür. Kəmərin Türkiyə ərazisindən keçən hissəsində uzunluğu 1076 kilometr, Azərbaycanda 443 kilometr, Gürcüstanda 249 kilometrdir. Tikinti işləri nəzərdə tutulmuş vaxtda başa çatdırılacaqdır. Bundan əlavə Səngəçal və Ceyhan terminallarının inşası, kəmər boyu ərazilərdə 8 nasos stansiyasının tikintisi də həmin vaxta kimi sona yetəcəkdir. Kəmər ildə 50 milyon ton, gündə 1 milyon barrel xam neft ixracetmə gücünə malik olacaqdır.
Bölmənin digər xəbərləri
