Bakı Xoreoqrafiya Akademiyasında yaz imtahan sessiyası davam edir
Bakı, 9 iyun, AZƏRTAC
Bakı Xoreoqrafiya Akademiyasında (BXA) yaz imtahan sessiyası və yekun buraxılış dövlət attestasiyası davam edir.
Akademiyadan AZƏRTAC-a bildirilib ki, xüsusi karantin dövründə təşkil olunmuş onlayn dərslər və onların əsasında keçirilmiş onlayn kollokviumlar, xüsusilə də son 3-cü kollokviumun nəticələri yekun qiymətləndirmədə obyektiv təsdiqini tapıb.
Qeyd edilib ki, akademiyanın orta ixtisas təhsil pilləsi, bakalavriat və magistratura səviyyələrində tədris planını uğurla başa vurmuş tələbələr ümumi orta müvəffəqiyyət göstəricilərinə uyğun olaraq attestasiyadan keçmiş hesab ediliblər. Bununla yanaşı, magistrlik dissertasiyasının müdafiəsi ixtisaslaşdırılmış şuralarda onlayn təşkil olunacaq.
Bölmənin digər xəbərləri
