BALAKƏNDƏ HEYVANDARLIQ MƏHSULLARI İSTEHSALI ARTMIŞDIR
Balakən, 19 aprel (AZƏRTAC). Balakən Rayon İcra Hakimiyyətindən bildirmişlər ki, 2010-cu ilin birinci rübünün yekunları rayonun heyvandarları üçün uğurlu olmuşdur. Rüb ərzində rayonda 1.214 ton ət, 4.038 ton süd, 1 milyon 632 min ədəd yumurta istehsal edilmişdir. Keçən ilin eyni dövrü ilə müqayisədə ət istehsalı 10 ton, süd istehsalı 26 ton, yumurta istehsalı isə 32 min ədəd artmışdır.
Cari ilin ilk rübünün yekunlarına görə, rayonun təsərrüfatlarında mal-qaranın sayı 37 min 662 baş, qoyun və keçilərin sayı 34 min 691 baş, quşların sayı 193 min 657 baş, arı ailələrinin sayı isə 6 min 66 ailə olmuşdur. 2009-cu ilin müvafiq dövrü ilə müqayisədə mal-qaranın sayı 255 baş, qoyun və keçilərin sayı 1.544 baş, quşların sayı 7.271 baş, arı ailələrinin sayı isə 474 ailə artmışdır.
Ötən dövrdə rayonda qaramalın cins tərkibinin yaxşılaşdırılması istiqamətində də bir-sıra tədbirlər həyata keçirilmişdir. 108 baş inəkdən yüksək məhsuldarlığı ilə seçilən “Qara-ala” cinsli sağlam buzov alınmışdır.
Bölmənin digər xəbərləri
