İQTİSADİYYAT
BALAKƏNDƏ SAHİBKARLARA VERİLƏN KREDİTLƏRİN HƏCMİ ARTIB
Balakən Rayon İcra Hakimiyyətindən AZƏRTAC-ın müxbirinə bildirmişlər ki, kiçik və orta sahibkarlıq subyektlərinin kredit ehtiyaclarının ödənilməsini təmin etmək məqsədi ilə 2005-ci ilin ötən dövrü ərzində müvəkkil banklar tərəfindən 358 nəfər balakənli sahibkara 6 milyard 15 milyon manat məbləğində güzəştli kreditlər verilmişdir. Kreditlərin 4 milyard 980 milyon manatı uzunmüddətlidir.
Kreditlərin verilməsində Sahibkarlığa Kömək Milli Fondunun vəsaitinin istifadəsi üzrə seçilmiş müvəkkil kredit banklarından olan “İş bankası-Azərbaycan” ASC-nin, Beynəlxalq Bankın və Kapitalbankın rayon filialları, habelə Kənd Təsərrüfatında Sahibkarlığın İnkişafına Yardım Agentliyinin bölgə üzrə nümayəndəliyi xüsusilə fərqlənmişlər. Agentliyin xətti ilə təkcə son bir ayda Balakəndə birgəborclular və kredit ittifaqlarında birləşmiş 248 fermerə 760 milyon manat məbləğində güzəştli kredit verilmişdir.