Banqkokda keçirilən “ITU Telecom World 2013” sərgisində “AzQtel” şirkətinin məhsulları nümayiş olunur
Bakı, 21 noyabr (AZƏRTAC). Taylandın Banqkok şəhərində keçirilən Beynəlxalq Telekommunikasiya İttifaqının (BTİ) “ITU Telecom World 2013” sərgisi çərçivəsində “AzQtel” şirkətinin məhsulları nümayiş olunmuşdur.
Şirkətdən AZƏRTAC-a bildirmişlər ki, bu qurumun prezidenti Ceyhun Mollazadə sərgi çərçivəsində keçirilən 8-ci “GTİ (Global TD-LTE İnitiative)” seminarda geniş məruzə ilə çıxış etmişdir.
C.Mollazadə son on ildə Azərbaycanın telekommunikasiya sahəsindəki yenilikləri və əldə edilmiş nəticələr barədə məlumat vermişdir.
GTI təşkilatının baş katibi Huanq Yuhonqun sədrliyi ilə keçirilən seminarda “China Mobile”, “Sprint”, “Vodafone”, “Sony”, “Samsung”, “Huawey”, “Ericsson”, ZTE, “UK Broadband”, “Datang”, “NSN” kimi dünyanın texnologiya xidmətləri bazarında tanınmış şirkətlərin rəhbərləri məruzələrlə çıxış etmişlər.
“ITU Telecom World 2013” sərgisi noyabrın 23-dək davam edəcəkdir.
Bölmənin digər xəbərləri
