“Barselona” gənc portuqaliyalı hücumçu ilə beşillik müqavilə imzalayıb
Bakı, 27 avqust, AZƏRTAC
İspaniyanın “Barselona” klubu heyətinə gənc futbolçu cəlb edib.
AZƏRTAC klubun saytına istinadla xəbər verir ki, Kataloniya təmsilçisi Portuqaliyanın “Braqa” komandasından Fransişku Trinkanın transferini reallaşdırıb. İyirmi bir yaşlı hücumçu ilə beşillik müqavilə imzalanıb.
Tərəflər 2020-ci ilin əvvəlində razılığa gəliblər. “Barselona” bu hücumçu üçün 31 milyon avro ödəyib və onun təzminat məbləği 500 milyon avro olub.
Qeyd edək ki, futbolçu ötən mövsüm “Braqa”nın heyətində keçirdiyi 40 oyunda 9 qol vurub və 13 məhsuldar ötürmə edib.
Bölmənin digər xəbərləri
