BAŞ KONSUL “BAYCAN” RADİOSUNUN QONAQLARI...
Türkiyədə yayımlanan “Baycan” radiosu Azərbaycanın İstanbuldakı baş konsulu Xeyrəddin Qocanı dekabrın 25-də dinləyicilərlə “görüşdürmüşdür”. Baş konsul proqrama Amerikanın Los-Anceles şəhərində yaşayan və İstanbulda səfərdə olan azərbaycanlı müğənnilər Yaqub Zurufçunu və Məhbubə xanımı da dəvət etmişdir. Proqramın aparıcısına qoşulan çoxlu tamaşaçı da qonaqlara telefonla suallar vermiş, müsahiblərinin maraqlı cavablarını və söhbətlərini dinləmişlər. Baş konsul “Baycan” radiosuna Azərbaycan musiqisindən ibarət xeyli kaset bağışlamışdır.
Proqram müddətində onlarca Azərbaycan mahnısı səslənmiş, xalqımızın mədəniyyəti, musiqisi haqqında ətraflı məlumatlar verilmişdir.
Gündə 24 saat yayımlanan “Baycan” radiosu Azərbaycanın təbliği işini davam etdirir.
Bölmənin digər xəbərləri
