Basketbolçularımız Avropa çempionatının seçmə mərhələsində iştirak edəcəklər
Bakı, 20 iyun, AZƏRTAC
İyunun 23-24-də Andorrada 3x3 basketbol üzrə Avropa çempionatının seçmə mərhələsi keçiriləcək.
AZƏRTAC xəbər verir ki, Azərbaycan millisi seçmə mərhələdə “A” qrupunda Andorra, İspaniya, İtaliya və Yunanıstan komandaları ilə yarışacaq.
“B” qrupunda isə Macarıstan, Estoniya, Latviya və Serbiya yığmaları güclərini sınayacaqlar.
Qrupların qalibləri birbaşa final mərhələsinə vəsiqə qazanacaqlar. Qruplarda ikinci, üçüncü yeri tutan komandalar daha iki vəsiqə uğrunda yarımfinalda üz-üzə gələcəklər.
Millimiz iyunun 23-də İspaniya, Yunanıstan, ertəsi gün isə Andorra və İtaliya yığmaları ilə qarşılaşacaq.
Bölmənin digər xəbərləri
