BAYTARLIQ MÖVZUSUNDA SEMİNAR KEÇİRİLMİŞDİR
Dövlət Baytarlıq Xidmətinin, Epizotiya əleyhinə respublika ekspedisiyasının mütəxəssisləri İmişli, Biləsuvar, Beyləqan, Quba, Qusar, Gəncə, Tovuz rayon baytarlıq idarələrinin rəhbərləri, FAO-nun Avropa ölkələri üzrə əlaqələndiricisi Anderey Rostalnin, bu beynəlxalq təşkilatın ölkəmizdəki əlaqələndiricisi, Azərbaycan Dövlət Baytarlıq Preparatlarına Elmi Nəzarət İnstitutunun laboratoriya müdiri Tamella Əliyeva seminarda iştirak edirlər.
FAO-nun maliyyələşdirdiyi seminarda yoluxucu xəstəliklərin yayıldığı hallarda fövqəladə planın həyata keçirilməsinə yeni yanaşma metodu, xəstəliyə qarşı mübarizə aparan qurumun strukturu, xüsusiyyəti, qarşıya qoyulan vəzifələr, dabaq xəstəliyinin lokallaşdırılması, xəstəliyin epizootik duruma təsiri və sair məsələlərə toxunulmuşdur.
Kənd Təsərrüfatı Nazirliyi yanında Dövlət Baytarlıq Xidmətinin mütəxəssisləri dabaq xəstəliyinə qarşı mübarizədə FAO-nun ölkəmizə yardımını yüksək dəyərləndirmişlər. Qeyd edilmişdir ki, bu beynəlxalq təşkilat cari ildə ölkəmiz üçün 430 min doza miqdarında peyvənd vasitəsi vermişdir. Seminar oktyabrın 14-də öz işini yekunlaşdıracaqdır.
Bölmənin digər xəbərləri
